Canzoni

Anno: 1948

Gruppo:

Testo: Edoardo Nicolardi
Musica: E. A. Mario

Menu

• Lettera T

Io nun capisco 'e vvote che succere
e chello ca se vere nun se crere.
E' nato nu criaturo, è nato niro,
e 'a mamma 'o chiamma Giro,
sissignore, 'o chiamma Giro.
Seh, vota e gira, seh!
seh, gira e vota, seh!
ca tu 'o chiamme Ciccio o 'Ntuono,
ca tu 'o chiamme Peppe o Giro,
chillo 'o fatto è niro niro,
niro
niro comm'a cche!

‘O contano 'e cummare chist'affare:
“sti fatti nun so' rare
se ne contano a migliare”.
'E vvote basta sulo 'na 'uardata,
e 'a femmena è restata
sott' 'a botta 'mpressiunata.
Seh, na guardata, seh!
seh, na 'mprissione, seh!
Va truvanno mò chi è stato,
ca cugliuto buono 'o tiro:
chillo 'o fatto è niro niro,
niro
niro comm'a cche!

Ha ditto 'o parulano: “Embè parlammo,
pecché si raggiunammo,
chistu fatto ce 'o spiegammo!
Addò pastine 'o grano, 'o grano cresce
riesce o nun riesce
sempre è grano chello ch'esce!”
Me’, dillo a mamma, me’!
me’, dillo pure a me’!
ca tu 'o chiamme Ciccio o 'Ntuono,
ca tu 'o chiamme Peppe o Giro,
chillo… 'o ninno è niro niro,
niro
niro comm'a cche!