Canzoni

GUERRA D'AFRICA

Anno: 1911

Gruppo:

Testo e musica: (Anonimo)

Menu


Son Dogali e Saati - al certo ‘na gran gloria
E d’coni martiri beati - un di parlrà la storia,
Che benché mach sing-sentu - contra d’nemis vint mila,
Son mort, ma an combatend - sempre ‘ntla prima fila,
Son degni cousti campion - d’na vera ammirassion,
Faran sonè lontan - ‘l nom del valor italian.


Appena sta notissia - a l’è arrivà an Italia
L’han mandà giù milissia - con d’rinfors d’mitralia,
E për podei tirè - pì certa una vendetta,
L’han riciamà Genè - e mandà giù Saletta,
Votand për st’occasion - diversi bei million,
Che tanti a l’han già dit - che con ‘l temp faran i cit.


Dop d’avei për la strà - perdù la tramoñtana,
Saletta a l’è arrivà - su a tera africaña,
E senssa fè ‘l fabioch - a prensili la guera
L’ha butà an stat d’bloch - le forsse d’mar e d’tera
Desend d’ordin sever - da intimorì i pi fier,
Pian temp ch’a sia passà - coul gran calor ch’a fa l’istà.


J’autre tribù d’Assab - ‘l re Giovan consola
Creand gran cap d’iJ cap - coul farfo d’Ras Alula,
Ma se J Abissineis -l’avran quaich cos ch’a smangia,
Saletta an dontrè meis, - ai darà chiel l’arvangia,
Tant pi che i sing million - l’an pià dle proporssion
Da vnisne ant un moment - a fè quasi un total d’sent.


J’era tut da sperè - d’podei ben prest combate
Për podei vendichè - i nost martiri d’Saati,
Ma peui cousta question - a l’ha cambià un poch cera
Au causa d’esplosion - la giù d’nostra pouvrera,
Causand d’ij gravi dann - con gioia d’re Giovann
Ch’a rli ceme un cojon - a vedne noi paghè i million.


Ma un di j’afè d’Assab - l’han pià peui n’autra piega,
Son parti d’ neuvi cap - j’è andait n’armada antrega,
‘L general San Marsan - con Cagno e Baldissera
Son coui ch’a comandran - dl’Italia la gran schiera,
E tuta n fa sperè - d’podei prest combinè
D’pagheje un bon cap d’ann-a coul borich d’un re Giovann.


L’è dcò andassne la giù - un bel corp d’volontari,
Compost d’gioventù - d’ costum franch esemplari,
Lon ch’am dà ‘l ferm pensè - se gnun farà la cioula,
D’ podeo prest ambardè - coul aso d’ Ras Alula,
D’ deine na porssion - d’ torcet e dë sgrugno,
Da felo uni un queich di - pasi e tranquil come un pipi.


La nueva del moment - a l’è la sirimonia
Dal gran riceviment - ch’a fa nostra colonia:
Saletta Katin-bey - ricev con pompa gloria,
Coul bonom d’un vei - ai promet la vittoria;
Basta mac che la spa - ch’i joma regalaie
A serva nen un di - ‘l coeur d’italian peui a feri.


J’Abissineis però - squasi bassavo j’ale
E Ras Alula dco - l’avìa fait fè le male,
Stërmand franch come un gof - ‘l tesor e la fia;
Ma l’arriv d’Aschinof - aidà n’autra energia,
E a törna a fe ‘l robust - coul brut muso dësgiust,
E a dis che chiel l’è bon - mangiè l’Italia ant un bocon.


Però benché l’ingleis - adess serca manera
Con ‘l re d’ij Abissineis - d’tranquilisè sta guera
L’Italia a dev pensè - d’ trovè il mojen d’combate
Per podei vendichè - ‘l di d’Dogali e Saati,
Ma andessna ben armà - e d’ feine ‘na fertà
Da fè bassè ‘l cachet - a coui borich d’muso maomet.


Dop ‘l tentativ d’ pas - stait fait da l’inghiltera
Ch’a fa tuti persuas - d’ podei fini sta guera
‘L gran re d’ j re Gioann - a l’ a d’ auti fastidi
S’ pìa ancora temp un ann - per podei peui decidi
E a cour ante l Sudan - dova j’esist un gran bacan,
E i nostri a resto là - bele confus, mes ambajà.


Sa ai fussa a sor Mancini - avnie la pilesta
Dai dì ch’ij Abissini - son sautaie an testa,
L’avrio nen cousta tera - ch’an dà d’importanssa
Ma an costa sta guera - d’ tutti sti mal pansa
Portand d’imposission - për fabbrichè d’ million
Che i nostri contribuent - dovei paghè son poc content.

Note

Soggetto della canzonetta: Guerra italo-turca (29/09/1911 - 18/10/1912).