Canzoni

Anno:

Gruppo:

Testo: Alessandro Cassese
Musica: Rodolfo Falvo

Menu

• Lettera N

Pe' tutt''e strate stanno 'e manifeste:
Aggi''a partí, Carmè, sóngo surdato...
a fá 'o duvere, 'a Patria, mm'ha chiammato!
Albanno juorno,
'e vintitré,
t'aggi''a lassá!...

Nun chiagnere, Carmè'...
vòglieme bene
comm'i' bene voglio a te...
Lassa ca servo 'o rre,
ca quanno torno,
penzo sulo
a serví a te...

Nun chiagnere, Carmè'...
vòglieme bene
comm'i' bene voglio a te...
Io parto, si',
ma 'o core, oje né',
pure 'a luntano...
pure 'a luntano,
sbattarrá pe' te!


Io mme ne parto e chistu core mio,
t'arraccumanno a te, vòglielo bene...
poveru core, niente a 'o munno tene...
Carmela mia,
sbatte pe' te,
sulo pe' te!


Nun chiagnere, Carmè'...
vòglieme bene
comm'i' bene voglio a te...
Lassa ca servo 'o rre,
ca quanno torno,
penzo sulo
a serví a te...

Nun chiagnere, Carmè'...
vòglieme bene
comm'i' bene voglio a te...
Io parto, si',
ma 'o core, oje né',
pure 'a luntano...
pure 'a luntano,
sbattarrá pe' te!


Sònnate a me dint''e nnuttate 'e luna,
comm'i', luntano 'a te, tutt''e nnuttate,
mme sunnarraggio 'e vase ca mm'hê dato...
'e vase doce,
ca saje dá
sultanto tu!...


Nun chiagnere, Carmè'...
vòglieme bene
comm'i' bene voglio a te...
Lassa ca servo 'o rre,
ca quanno torno,
penzo sulo
a serví a te...

Nun chiagnere, Carmè'...
vòglieme bene
comm'i' bene voglio a te...
Io parto, si',
ma 'o core, oje né',
pure 'a luntano...
pure 'a luntano,
sbattarrá pe' te!