Canzoni

AL FUGAREN

Anno:

Gruppo:

Testo: Aldo Spallicci
Musica: Francesco Balilla Pratella

Vent marzulèn, scadnê da la muntagna,
de' prem amàndul t'é purtê l'udor
e d'una fugarena a la campagna,
che bël splindor.

E tra ludal e fiama,
cun al man a cadena,
torna atorna a e' falùg.
La tu vosa ch' l'è in pena,
o faztina da fugh.


L'era e' filér piò nigar int la rama,
l'era int' e' cör e int e' mi pogn babin
Biundina bëla cun la tësta 'd fiama,
e' tu manin.

E tra ludal e fiama,
cun al man a cadena,
torna atorna a e' falùg.
La tu vosa ch' l'è in pena,
o faztina da fugh.


Tota la piana l'è una fugarena,
gnia fugarena l'à e' su ziratond.
Che fa ligrezza a l'êria marzulena,
c' l'arnöva e' mond.

E tra ludal e fiama,
cun al man a cadena,
torna atorna a e' falùg.
La tu vosa ch' l'è in pena,
o faztina da fugh.