Canzoni

O' SURDATO 'NNAMMURATO

Anno: 1915

Gruppo:

Testo: Aniello Califano
Musica: Enrico Cannio

Menu


Staje luntana da stu core,
a te volo cu 'o penziero:
niente voglio e niente spero
ca tenerte sempe a fianco a me!
Si' sicura 'e chist'ammore
comm'i' so' sicuro 'e te...

Oje vita....oje vita mia,
oje core 'e chistu core,
si' stata 'o primmo ammore:
'o primmo e ll'ultimo sarraje pe' me!


Quanta notte nun te veco,
nun te sento int'a sti braccia,
nun te vaso chesta faccia,
nun t'astregno forte mbraccio a me?
Ma, scetannome 'a sti suonne,
me faje chiagnere pe' te ...

Oje vita....oje vita mia,
oje core 'e chistu core,
si' stata 'o primmo ammore:
'o primmo e ll'ultimo sarraje pe' me!


Scrive sempe ’e sta’ cuntenta:
io nun penzo che a te sola:
Nu penziero mme cunzola,
ca tu pienze sulamente a me...
'A cchiù bella 'e tutt’’e belle,
nun è maje cchiù bella 'e te!

Oje vita....oje vita mia,
oje core 'e chistu core,
si' stata 'o primmo ammore:
'o primmo e ll'ultimo sarraje pe' me!