AH, I DONNETT!
Anno: 1894
Gruppo:
Testo: Rosa Massara De CapitaniMusica: Pietro Corio
Menu
Me piasen i donnett cont el faccin
De madonnina bianca, dolorosa;
I verginell che gh’ han quell tal farin
De cara moneghella vergognosa ;
I bei matronn che paren monument,
E qui freguj che paren faa de nient.
Me fan gira la boggia cert sperlusc
Coi oeucc de stria che fan tucc i color;
Cèrti gognitt, soo mi, certi patusc
Che gh’ han, a savé fa, mila savor :
Gh’ è poeu certi bruttonn che, andà a cerca !
L’è on piaseron a fai innamora!...
Me piasen i donnett pien de talent,
Cont quell tal spirit fin, de bonna lega,
Ma s’anca hin minga tant intelligent,
Se ona quai voeuna poeu la fuss intrega,
Refigni minga el nas... sti car donnett
Me piasen semper, anca s’ hin ochett.
E cert aristocratich !... Cert daminn
Tucc pienn de poesia, de sentiment,
Che fan l’amor tegnendegh i dandinn,
Per fa che no el scapuscia, l’innocent !...
O quisti si, hin tutt la mia passion :
Mi ghe stariss denanz in genceuggion.
Ma el tipo pussee bell, pussee perfett y
Che ghe pò vess al mond, l’è anmó la tosa
Che marcia in scossarin, coi zoccorett:
L’è l’ideal per mi della morosa;
Senza sospir, ne smorfi se po di:
Vorèmes on poo ben per on quai di?
Me piasen i donnett quand hin sincer,
Quand gh’han el coeur sui laver che ghe scotta
Ma se me fan vede per bianch el ner,
Sont minga quell sicur de fa ona fotta;
Sari su on ceucc... l’è mej bevel de vott
Che ne smangiass el fidegh per nagott.
Me piasen quand hin zerb, anmò in botton,
E poeu quand hin madur pussee ancamò.
I bottonitt fan gola, ma i s’cioppon
Ah, che delizia! chi diriss de no?
Nissun perdinci; chi refuda on fior,
El ghe fa on tort tropp gross al creator.
E grand e piscininn, negher e biond,
Magher e grass, sien angioj o demoni,
Granitt de pever, come i bocc rotond,
Ingenov... smaliziaa dal matrimoni...
Hin la mia mort i donn ! Ah ! che piasé
Se fussen tucc per mi tant quant ghe n’è!..
De madonnina bianca, dolorosa;
I verginell che gh’ han quell tal farin
De cara moneghella vergognosa ;
I bei matronn che paren monument,
E qui freguj che paren faa de nient.
Me fan gira la boggia cert sperlusc
Coi oeucc de stria che fan tucc i color;
Cèrti gognitt, soo mi, certi patusc
Che gh’ han, a savé fa, mila savor :
Gh’ è poeu certi bruttonn che, andà a cerca !
L’è on piaseron a fai innamora!...
Me piasen i donnett pien de talent,
Cont quell tal spirit fin, de bonna lega,
Ma s’anca hin minga tant intelligent,
Se ona quai voeuna poeu la fuss intrega,
Refigni minga el nas... sti car donnett
Me piasen semper, anca s’ hin ochett.
E cert aristocratich !... Cert daminn
Tucc pienn de poesia, de sentiment,
Che fan l’amor tegnendegh i dandinn,
Per fa che no el scapuscia, l’innocent !...
O quisti si, hin tutt la mia passion :
Mi ghe stariss denanz in genceuggion.
Ma el tipo pussee bell, pussee perfett y
Che ghe pò vess al mond, l’è anmó la tosa
Che marcia in scossarin, coi zoccorett:
L’è l’ideal per mi della morosa;
Senza sospir, ne smorfi se po di:
Vorèmes on poo ben per on quai di?
Me piasen i donnett quand hin sincer,
Quand gh’han el coeur sui laver che ghe scotta
Ma se me fan vede per bianch el ner,
Sont minga quell sicur de fa ona fotta;
Sari su on ceucc... l’è mej bevel de vott
Che ne smangiass el fidegh per nagott.
Me piasen quand hin zerb, anmò in botton,
E poeu quand hin madur pussee ancamò.
I bottonitt fan gola, ma i s’cioppon
Ah, che delizia! chi diriss de no?
Nissun perdinci; chi refuda on fior,
El ghe fa on tort tropp gross al creator.
E grand e piscininn, negher e biond,
Magher e grass, sien angioj o demoni,
Granitt de pever, come i bocc rotond,
Ingenov... smaliziaa dal matrimoni...
Hin la mia mort i donn ! Ah ! che piasé
Se fussen tucc per mi tant quant ghe n’è!..