Canzoni

Anno: 1894

Gruppo:

Testo: Federico Bussi
Musica: Giambattista Meiners

Menu

• Lettera D

Quand che serem piscinitt,
Nun giugavem tutt e duu,
Come giughen duu gattitt
Da pocch di che sien nassuu.

Pussee innanz che sémm andaa,
Mi con ti giugava anmò,
Ma i gattitt s’hin trasformaa
Ti in popola.... e mi in popò.

Ma mi adess ghe doo del lee,
Ah tornémm, tornémm indree
A giugà cont i belee.


Me regordi poeu quéll di
Ch’el mé amor t’hoo confessaa,
Che t’ho faa on basin l’insci...
E che ti t’he ditt : sfacciaa !...

L’ é staa el primm di mé basitt
Propi faa senza malizia
Ma in quéll di di to lavritt,
Ho provaa ona gran delizia.

Ma mi adess ghe doo del lee,
Ah tornémm, tornémm indree
A giugà cont i belee.


Quéll basin poeu el m’ ha dervii,
Tutt el sacch di cognizion ;
L’ é d’allora che ho capii
Della donna la mission.

Che mission de benedi!
Me sariss come duvis,
Che a dividela con ti
Dovess god on paradis.

Ma mi adess ghe doo del lee,
Ah tornémm, tornémm indree
A giugà cont i belee.